Шри-Ланка ташқи ишлар вазири Али Сабри, президент ваколатларини қисқартириш тўғрисидаги қонун лойиҳаси бир неча ҳафта ичида кучга кириши кутилаётганини маълум қилди. Бу ҳақда «Ал-Арабия» нашри хабар бермоқда.
Конституцияга ўзгартириш киритиш президент ваколатларини қисқартиради, — дейди Сабри.Ушбу лойиҳа қонунга айланиши учун палатадагиларнинг учдан икки қисмининг овозини талаб қилади. У барқарорликни мустаҳкамлаш ва мамлакатда сўнгги ўн йилликлардаги энг ёмон молиявий инқироз туфайли юзага келган тартибсизликларни бартараф этишга ёрдам бериш учун таклиф қилинган.
Инқироз июль ойида нотўғри иқтисодий бошқарувда айбланган собиқ президент Готабая Ражапакса мамлакатни тарк этиб, истеъфога чиққанидан сўнг унинг ўрнига Ранил Викремесингхе келганида авж олди.
Таклиф этилаётган ўзгартиришга кўра, бошқарувни такомиллаштириш бўйича конституциявий кенгаш ва тўққизта мустақил комиссия ташкил этилади. Комиссиялар инсон ҳуқуқларини илгари суриш, давлат идоралари устидан назоратни ва пул ўғирлигига қарши терговни кучайтиришга ҳаракат қилади.
Шунингдек, Ташқи ишлар вазири, келгуси ҳафтада бошланадиган Бирлашган Миллатлар Ташкилотининг Инсон ҳуқуқлари бўйича кенгаши сессияси олдидан, Шри-Ланка Тамил йўлбарси жангариларига қарши кураш пайтида ҳуқуқлар бузилгани ҳақидаги далилларни тўплаш учун ҳар қандай халқаро уринишларга қарши туришини айтди.
Позициямиз жуда аниқ. Биз халқаро ҳамжамиятнинг фаол иштирокчисимиз ва буни барча кўп томонлама шерикларимиз билан муҳокама қилиш ниятидамиз. Аммо ҳар қандай «ташқи механизмга рози ҳам эмасмиз, чунки Конституциямиз бунга йўл қўймайди, — деган Али Сабри.Мавзуга доир: Шри-Ланка парламенти бош вазир Викрамасингхени мамлакатнинг янги президенти этиб сайлади
Изоҳ (0)