2022-yil 1-sentabr holatiga ko‘ra, O‘zbekiston yil boshidan beri 56,3 million dollarlik 65,5 ming tonna uzum eksport qildi. Bu haqda EastFruit xabar bermoqda.
Shuningdek, ushbu davrda tashqi bozorga 4,2 million dollarlik 8,1 ming tonna mayiz jo‘natildi.
Xorijiy mamlakatlarga uzum yetkazib berish ko‘rsatkichi o‘tgan yilga nisbatan 1,8 barobar oshdi.
Mamlakat uzumni 14 ta davlatga eksport qilishni yo‘lga qo‘yilgan. Ular orasida Rossiya, Qozog‘iston, Qirg‘iziston, Belarus, BAA, Latviya, Estoniya bor.
O‘zbekistonda uzumchilik rivojlanishda davom etmoqda. Hozir barcha toifadagi fermer xo‘jaliklarida 181 ming gektar tokzor mavjud bo‘lsa, yil oxirigacha 50 ming gektar maydonga 61,2 million dona ko‘chat ekish rejalashtirilgan.
Mutaxassislarning fikricha, bu yilgi hosil 1,8 million tonnani tashkil etadi, bu o‘tgan yilgiga nisbatan 122 ming tonnaga ko‘pdir.
Avvalroq O‘zbekistonda tomorqa yer egalarini kasanachilik bilan band qilgan tadbirkorlarga subsidiya berilishi haqida xabar berilgandi.
Izoh (0)