London ICE birjasi ma’lumotlariga ko‘ra, savdolar boshlanganidan beri Yevropada gazning birja narxlari deyarli 15 foizga pasaygan. Narx esa ming kub metr uchun 2022-yil 15-avgustidan beri birinchi marta deyarli 2 150 dollargacha tushdi. Bu haqda “Kommersant” xabar bermoqda.
“Shimoliy oqim” orqali Yevropaga gaz yetkazib berish Portovaya kompressor stansiyasidagi gaz nasos agregatiga rejali ta’mirlash ishlari olib borilishi munosabati bilan 31-avgustdan 2-sentyabrga qadar to‘liq to‘xtatildi.
Bloomberg ta’mirlash tugallangach, gaz nasoslari o‘tkazuvchanlikning 20 foizigacha tiklanishi haqida yozdi.
Sentyabr oyida kompaniyaning texnik xizmat ko‘rsatish to‘g‘risidagi e’lonlari fonida TTF orqali gaz yetkazib berish bo‘yicha fyuchers shartnomalari deyarli 8 foizga o‘sib, ming kub metr uchun mart oyidan beri birinchi marta 3 500 dollardan oshgan edi. Keyinchalik Yevropada gaz narxi omborlarni tez to‘ldirish tufayli arzonlasha boshladi.
Avvalroq “Gazprom” bu qishda Yevropada gaz narxi ming kub metr uchun rekord darajadagi 4 ming dollardan oshishini prognoz qilgan edi.
Izoh (0)