Toshkent shahar, Yashnobod tumanidagi hovli kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot auksionga fuqarolik ishlari bo‘yicha sud hukmi bilan Mirzo Ulug‘bek tumani MIB tomonidan joylashtirilgan. 2011-yilda qurilgan ushbu 2 qavatli uy 7 xonadan iborat.
Yer uchastkasining umumiy maydoni — 0,06 gektar. Binoning maydoni — 298 kvadrat metr. Hovlida gaz, suv, elektr ta’minoti va kanalizatsiya tizimi mavjud.
Auksionga qo‘yilgan hovlining boshlang‘ich bahosi — 2 mlrd so‘m. Arizalar 26-sentabr 09:00 ga qadar qabul qilinadi. Savdolar xuddi shu kuni 10:00 da boshlanadi.
Lot izohida yozilishicha, uyda qarzdor o‘z oilasi bilan birga yashaydi. Uy sotib olingandan so‘ng manzilda yashovchilar ixtiyoriy ravishda uyni bo‘shatmagan taqdirda, uyni sud tartibida bo‘shatish lozim bo‘ladi.
Avvalroq auksionga qo‘yilgan eng arzon va eng qimmat avtomobillar ro‘yxati aniqlangani haqida xabar berilgandi.
Izoh (0)