Turkiya shimolidagi Samsun shahrida 30-avgust kuni Baykar Makina kompaniyasi tomonidan ishlab chiqilgan Bayraktar Kızılelma uchuvchisiz harbiy samolyoti birinchi marta taqdim etildi, deb yozadi Anadolu Agency.
Uchuvchisiz uchar qurilma reaktiv dvigatellar bilan jihozlangan.
Jangovar mashina Turkiyaning Qora dengiz sohilida Teknofest Karadeniz aviatsiya-koinot festivali doirasida namoyish etildi.
Baykar Makina texnik direktori Selchuk Bayraktarning so‘zlariga ko‘ra, Bayraktar Kızılelma kabi tizimlar — harbiy aviatsiyaning kelajagi: ular “agressiv manyovrlar” qilishga qodir va rivojlangan sun’iy intellekt tizimiga ega.
Kızılelma’ga parvoz uchun minimal yo‘lak kifoya. Masalan, uchuvchisiz uchar qurilma yengil avianosets palubasidan start olib parvoz qila oladi.
Avvalroq Ukraina prezidenti Vladimir Zelenskiy Bayraktar uchuvchisiz uchar qurilmalar ishlab chiqaruvchi kompaniya rahbari Xaluk Bayraktarni mukofot bilan taqdirlagan edi.
Izoh (0)