Rossiya tomonidan bosib olingan hududlarda muvaqqat ma’muriyatlarga Moskva tomonidan tayinlangan, Rossiya istilosini qo‘llab-quvvatlaydigan ukrainalik mansabdorlar o‘ldirib ketilayotgani haqidagi xabarlar urush boshlanganidan buyon chiqib turibdi. So‘nggi vaqtlarda, Ukraina qurolli kuchlari tomonidan Xerson viloyatida qarshi hujum e’lon qilinishi fonida, ularning soni ayniqsa oshdi. Meduza Ukrainada xoinligi uchun kollaborantlar (sotqinlar) deb atalayotgan, Rossiyada esa qonuniy hukumat sifatida tanishtirilayotgan odamlarga suiqasd dalillarini to‘pladi.
Xerson viloyati
20-mart — Xersonda shaharning sobiq meri va Xerson viloyatining rossiyaparast ma’muriyati rahbari Vladimir Saldoning yordamchisi Pavel Slobodchikov o‘z uyi yaqinida, mashina ichida otib tashlangan.20-aprel — Xersonda Xerson viloyatining rossiyaparast ma’muriyati rahbari o‘rinbosari Kirill Stremousovning yordamchisi, bloger Valeriy Kuleshov mashinada otib ketilgan.
18-iyun — Xersonda avtomobil portlashi oqibatida Jazolarni ijro etish xizmati viloyat boshqarmasining rossiyaparast ma’muriyat tomonidan tayinlangan boshlig‘i Yevgeniy Sobolev kasalxonaga yotqizilgan.
22-iyun kuni Chernobayevkada qishloqning rossiyaparast ma’muriyati rahbari Yuriy Turulevning avtomobili portlatilgan. U yengil jarohatlar olgan.
24-iyun — Xersonda avtomobil portlashi oqibatida Xerson viloyati rossiyaparast hukumatining Oila, yoshlar va sport boshqarmasi boshlig‘i Dmitriy Savluchenko halok bo‘lgan.
7-iyul — Novaya Kaxovkada politsiya boshlig‘i o‘rinbosari Sergey Tomko o‘z mashinasida otib tashlangan.
4-avgust — Xerson viloyatining istilochi ma’muriyati rahbari Vladimir Saldo zaharlangan, deb gumon qilinib Moskvada kasalxonaga yotqizilgan.
6-avgust — bosib olingan Novaya Kaxovka ma’muriyati rahbari o‘rinbosari Vitaliy Gura o‘z uyida otib ketilgan. Mansabdor og‘ir jarohatlar bilan kasalxonaga yotqizilgan, u Qrimga olib ketilayotganida vafot etgan.
22-avgust — Xersonda bosib olingan Xerson viloyati ma’muriyatining ichki siyosat departamenti boshlig‘i o‘rinbosari Igor Teleginning avtomobili portlatilgan. Mansabdor omon qolgan.
29-avgust — Golaya Pristan shahrida bosib olingan Xerson viloyati ma’muriyati raisi o‘rinbosari Aleksey Kovalyov o‘z uyida o‘lik holda topilgan. Uning boshiga o‘q uzishgan. Iyunda uning mashinasi portlatilgan edi, o‘shanda u kasalxonaga tushgan.
Zaporojye viloyati
22-may — bosib olingan Energodar shahar meri Andrey Shevchik uyining podyezdidagi portlashdan keyin kasalxonaga yotqizilgan.11-iyul — bosib olingan Melitopol shahrida shu nomdagi tuman ma’muriyati rahbari Andrey Sigutuga suiqasd uyushtirilgan, u jabr ko‘rmagan.
12-avgust — Melitopolda portlash oqibatida “Yagona Rossiya” saylov shtabi rahbarlaridan biri Oleg Shostak yaralangan.
24-avgust — bosib olingan Mixaylovka qishlog‘i ma’muriyati rahbari Ivan Sushko avtomobil portlashi oqibatida halok bo‘lgan.
26-avgust — Berdyanskda qochqinlar yashagan sog‘lomlashtirish markazi yaqinidagi portlash oqibatida shahar DAN boshlig‘i o‘rinbosari Aleksandr Kolesnikov halok bo‘lgan.
27-avgust — bosib olingan Mixaylovkada shahar politsiyasi boshlig‘i Andrey Rijkov osilgan holatda topilgan.
Izoh (0)