Xarkov markazining o‘qqa tutilishi oqibatida besh kishi halok bo‘ldi, yana yetti kishi yaralandi. Bu haqda shahar meri Igor Terexovga tayanib, Meduza xabar berdi.
Xarkov viloyati harbiy boshqarmasi boshlig‘i Oleg Sinegubov esa to‘rt kishi halok bo‘lgani va to‘qqiz kishi yaralangani haqida ma’lum qildi. U shaharga yangi hujumlar ehtimoli haqida ogohlantirdi va mahalliy aholini boshpanalarda qolishga chaqirdi.
Terexovning so‘zlariga ko‘ra, shahar artilleriyadan o‘qqa tutilgan. Dastlabki ma’lumotlarga ko‘ra, jami sakkizta zarba berilgan, jumladan ular xarkovliklar dam oladigan joylarga tushgan. O‘qqa tutilganidan so‘ng Xarkov markazidagi turar joy binolaridan birida yong‘in sodir bo‘ldi. Voqea joyida favqulodda xizmatlar ishlamoqda.
Sinegubov Xarkovni o‘qqa tutishda Rossiya harbiylarini aybladi. Rossiya Mudofaa vazirligi bu ma’lumotga hozircha izoh bermadi.
Izoh (0)