Ukrainadagi vaziyat juda og‘irligicha qolmoqda, Yevropa Ittifoqi davlatlari unga harbiy yordam ko‘rsatishda davom etadi, dedi YIning tashqi ishlar va xavfsizlik siyosati bo‘yicha oliy vakili Jozep Borrel ittifoq mudofaa vazirlarining norasmiy uchrashuvi oldidan.
Rasmiylar Ukrainadagi vaziyatni muhokama qilishni davom ettiradi, dedi Borrel. Uchrashuvda Ukraina mudofaa vaziri Aleksiy Reznikov ham ishtirok etadi.
“Vaziyat juda yomonligicha qolmoqda. Ukraina bizning yordamimizga muhtoj, biz esa uni harbiy mablag‘lar ko‘rinishida yetkazishda davom etamiz, vazirlar Ukraina armiyasini tayyorlash bo‘yicha yuqori darajadagi missiya yaratish g‘oyasini ham muhokama qiladi”, — dedi Borrel.
Uning so‘zlariga ko‘ra, yig‘ilish norasmiy bo‘lgani uchun missiya bo‘yicha amaliy qarorlar qabul qilinmaydi. “Ehtimol, bugun biz faqat siyosiy kelishuvga erisharmiz. Tafsilotlar keyinroq beriladi. Maqsadlar va resurslarni aniqlab beradigan protsedura mavjud”, — deya tushuntirdi u. Avvalroq Borrel ukrainalik harbiylarni tayyorlash missiyasi Ukraina hududiga joylashtirilmasligini aytgandi.
Borrelning qo‘shimcha qilishicha, shuningdek, YI mamlakatlari vakillari o‘z mudofaa zaxiralarining tugab borayotgani munosabati bilan mudofaa xaridlari haqida suhbat qiladi.
Izoh (0)