Харьков марказининг ўққа тутилиши оқибатида беш киши ҳалок бўлди, яна етти киши яраланди. Бу ҳақда шаҳар мери Игорь Тереховга таяниб, Meduza хабар берди.
Харьков вилояти ҳарбий бошқармаси бошлиғи Олег Синегубов эса тўрт киши ҳалок бўлгани ва тўққиз киши яралангани ҳақида маълум қилди. У шаҳарга янги ҳужумлар эҳтимоли ҳақида огоҳлантирди ва маҳаллий аҳолини бошпаналарда қолишга чақирди.
Тереховнинг сўзларига кўра, шаҳар артиллериядан ўққа тутилган. Дастлабки маълумотларга кўра, жами саккизта зарба берилган, жумладан улар харковликлар дам оладиган жойларга тушган. Ўққа тутилганидан сўнг Харьков марказидаги турар жой биноларидан бирида ёнғин содир бўлди. Воқеа жойида фавқулодда хизматлар ишламоқда.
Синегубов Харьковни ўққа тутишда Россия ҳарбийларини айблади. Россия Мудофаа вазирлиги бу маълумотга ҳозирча изоҳ бермади.
Изоҳ (0)