Mutaxassislar Mars tuprog‘ida sholg‘om, turp va salat bargi o‘stirishga muvaffaq bo‘lishdi. Biroq ushbu mahsulotlar yerdagi muqobillariga o‘xshamaydi. Bu haqda EastFruit xabar bermoqda.
Ayova shtati universiteti olimlari laboratoriya sharoitida Mars tuprog‘ini qo‘llagan holda sholg‘om, turp va salat bargini o‘stirdi.
Kosmik ekipajlarni Marsda oziqlantirish ancha qimmatga tushadi, shu bois mutaxassislar uzoq vaqtdan beri mazkur sayyorada ekin yetishtirish yo‘llarini izlab kelmoqda.
Biroq uning tuprog‘ida ko‘plab o‘simliklar uchun zarur organik ozuqalar yetishmaydi va suvi juda ham sho‘r.
Yangi tadqiqotda olimlar Qizil sayyoradagi vulqon jinslarini o‘rganib, o‘simlik yetishtirish bo‘yicha tajriba o‘tkazdi.
Tadqiqotchilar odatda chorva uchun pichan sifatida yig‘ib olinadigan beda o‘simligi yaxshi o‘sishini aniqladi.
Bundan tashqari, beda maydalanganda hosil bo‘lgan kukun taqir tuproqda sholg‘om, turp va salat o‘sishi uchun o‘g‘it sifatida xizmat qilishi mumkinligi ma’lum bo‘ldi.
Mutaxassislar, shuningdek, dengiz bakteriyalari (Synechococcus sp. PCC 7002 — yerdagi suvni tuzsizlantirish uchun ishlatiladigan) yordamida Marsning sho‘r suvini tuzsizlantirishi mumkinligini aytmoqda.
Biroq olimlar yetishtirgan o‘simliklar Yer yuzidagi mahsulotlarga o‘xshamadi, chunki ular yerdagi muqobillariga nisbatan u qadar to‘yimli emas.
Izoh (0)