Kaliforniya iqlim o‘zgarishiga qarshi kurashish va zararli moddalar chiqindilarini kamaytirish chora-tadbirlari doirasida 2035-yildan boshlab benzinli dvigatellar bilan ishlaydigan yangi avtomobillarni sotishni taqiqlaydi. Bu haqda CNBC xabar bermoqda.
Taqiq bunday avtomobil egalariga ta’sir qilmaydi — ular baribir avtomobillarini haydashi, shuningdek, ikkilamchi bozorda sotishi va sotib olishi mumkin bo‘ladi.
Qarorda, shuningdek, gibrid avtomobillar, ya’ni ham elektr motorli, ham ichki yonuv dvigatelli avtomobillar sotuvini 2035-yilga borib sotilgan barcha avtomobillarning 20 foizigacha kamaytirish, shu bilan birga elektr yoki vodorod bilan ishlaydigan avtomobillar ulushini 68 foizgacha oshirish ko‘zda tutilgan.
Kaliforniya havo resurslarini muhofaza qilish kengashi rahbari Liana Rendolfning fikricha, yangi qonun 2040-yilga borib yengil avtomobillar va yengil yuk mashinalaridan chiqadigan zararli chiqindilar miqdorini 50 foizga kamaytiradi.
Dunyoning yetakchi iqtisodlari bilan taqqoslanadigan eng yuqori YIMga ega bo‘lgan, AQSHning eng ko‘p aholisi yashaydigan shtatning tashabbusi butun Amerika avtomobil bozoriga ta’sir qilishi mumkin.
Bunga sabab — kamida 15 shtat, jumladanб Nyu-York va Pensilvaniya o‘tmishda o‘z qoidalarini ishlab chiqishda ekologik toza avtomobillar uchun Kaliforniya standartlaridan foydalangan.
Avvalroq bir yilda O‘zbekistonning elektromobil importi qanday o‘zgargani haqida xabar berilgandi.
Izoh (0)