Rossiya Xavfsizlik kengashi raisining o‘rinbosari Dmitriy Medvedev spot bozorda gaz narxining o‘sishi bo‘yicha o‘z prognozini oshirdi. Uning hisob-kitoblariga ko‘ra, yil oxiriga kelib gaz narxi ming kub metr uchun 5 000 yevroni tashkil qiladi.
Yevropa Ittifoqi mamlakatlari davlat va hukumat rahbarlariga. Gaz narxining ming kub metr uchun 3500 yevroga ko‘tarilishi munosabati bilan 2022-yil oxirigacha prognoz narxini 5000 yevroga oshirishim kerak, — deydi Medvedev Telegram’dagi kanalida.
Rossiya Xavfsizlik kengashi raisining o‘rinbosari o‘z prognozini Vasya Lojkinning “Gaz otasi” kartinasi bilan tasvirladi.
2022-yilda “Gazprom”ning MDHdan tashqari davlatlarga eksporti 36,2 foizga kamaydi. Buning oqibatida gaz narxi keskin oshdi.
Hozirda ming kubometr uchun gaz narxi 3162 dollarni tashkil etadi. Rekord narx mart oyida qayd etilgan — 3 892 dollar.
Avvalroq “Gazprom” bu qishda Yevropada gaz narxi ming kub metr uchun rekord darajadagi 4 ming dollardan oshishini prognoz qilgan edi.
Izoh (0)