Belarus prezidenti Aleksandr Lukashenko sentabr oyida Samarqandda bo‘lib o‘tadigan Shanxay hamkorlik tashkiloti (SHHT) sammitida ishtirok etishni rejalashtirmoqda. Bu haqda prezident matbuot kotibi Natalya Eysmontga tayanib, “Interfaks” xabar berdi.
Avvalroq Shanxay hamkorlik tashkiloti bosh kotibi Chjan Mina Belarus SHHTga a’zo bo‘lish uchun ariza topshirgani, hozirda respublika tashkilotda kuzatuvchi davlat maqomiga ega ekanini ma’lum qilgandi. Respublikani SHHT a’zoligiga kiritish tartibini boshlash to‘g‘risidagi qaror 15—16-sentabr kunlari Samarqandda bo‘lib o‘tadigan sammitda qabul qilinadi.
ShHT — 2001-yilda tashkil etilgan xalqaro tashkilot bo‘lib uning a’zolari O‘zbekiston, Qozog‘iston, Qirg‘iziston, Xitoy, Hindiston, Rossiya, Tojikiston, Pokistondir. SHHTda kuzatuvchi davlatlar – Afg‘oniston, Belarus, Eron va Mo‘g‘uliston, hamkor davlatlar esa – Ozarbayjon, Armaniston, Kambodja, Nepal, Turkiya va Shri-Lanka.
Izoh (0)