Yakshanba (28-avgust) kuni Rossiyaning Voljskiy shahridagi bozorda yong‘in chiqdi. Bu haqda mamlakat Favqulodda vaziyatlar vazirligiga tayanib, Reuters xabar bermoqda.
Hodisa Moskva vaqti bilan taxminan soat 17:05 (Toshkent vaqti bilan 15:05)da boshlangan.
O‘t o‘chirish va qutqaruv bo‘linmalari voqea joyiga yetib borgach, yopiq bozorning tomi yonayotgani aniqlandi. Shundan so‘ng ular zudlik bilan xodimlar va mijozlarni evakuatsiya qila boshladi. Dastlabki ma’lumotlarga ko‘ra, qurbonlar yo‘q, — deyiladi matbuot xizmati xabarida.Qutqaruvchilar 150 dan ortiq odamni, jumladan, xodimlar va mijozlarni evakuatsiya qildi.
Favqulodda xizmatlarining qo‘shimcha qilishicha, yong‘in sodir bo‘lgan joyda portlash ovozlari eshitilgan. Taxminlarga ko‘ra, bu gaz ballonlari bo‘lishi mumkin.
Olov 7 ming kvadrat metr maydonni qamrab olgan. Hodisa oqibatida bozor binosi deyarli butunlay vayron bo‘lgan.
Yong‘inni bartaraf etishga 40 dan ortiq kishi va 25 ta maxsus texnika jalb qilingan.
Ta’kidlashicha, hozirda demontaj qilish ishlari olib borilmoqda.
Izoh (0)