Fransiya Jazoir bilan gaz sotib olishni 50 foizga oshirishni muhokama qiladi

Fransiya Jazoirdan gaz yetkazib berishni 50 foizga oshirishni muhokama qilmoqda. Bu haqda BFMTV’ga tayanib, “Interfaks” xabar bermoqda.

Emmanuel Makronning Jazoirga tashrifi natijasida hozircha hech qanday kelishuv imzolangani yo‘q, bu borada Engie (Fransiyaning energetika va gaz kompaniyasi) va mamlakat rasmiylari o‘rtasida yaqin soatlarda muhokamalar boshlanishi kerak, — deyiladi telekanal xabarida.

BFMTV shanba kuni yakunlangan Jazoirga tashrifi chog‘ida Fransiya prezidenti jurnalistlarga Jazoir gazini Fransiyaga yetkazib berish bo‘yicha muzokaralar olib borish uchun kelganini rad etganini eslatdi. 

Fransiya energiya ta’minoti majmuasida gazga unchalik bog‘liq emas, bu taxminan 20 foizni tashkil qiladi va bu qismda Jazoir 8 foizdan 9 foizgacha. Biz Jazoir gazi vaziyatni o‘zgartira oladigan holatda emasmiz, — deydi Makron.

Biroq telekanal gaz yetkazib berishni 50 foizga oshirish bo‘yicha og‘zaki kelushuvlar bo‘lganini va tez orada muzokaralar boshlanishini ta’kidlab o‘tgan. 

Avvalroq Fransiyada elektr narxi birinchi marta 1 000 dollardan oshgani haqida xabar berilgan edi.