Франция Жазоир билан газ сотиб олишни 50 фоизга оширишни муҳокама қилади

Франция Жазоирдан газ етказиб беришни 50 фоизга оширишни муҳокама қилмоқда. Бу ҳақда BFMTV’га таяниб, «Интерфакс» хабар бермоқда.

Эммануэль Макроннинг Жазоирга ташрифи натижасида ҳозирча ҳеч қандай келишув имзолангани йўқ, бу борада Engie (Франциянинг энергетика ва газ компанияси) ва мамлакат расмийлари ўртасида яқин соатларда муҳокамалар бошланиши керак, — дейилади телеканал хабарида.

BFMTV шанба куни якунланган Жазоирга ташрифи чоғида Франция президенти журналистларга Жазоир газини Францияга етказиб бериш бўйича музокаралар олиб бориш учун келганини рад этганини эслатди. 

Франция энергия таъминоти мажмуасида газга унчалик боғлиқ эмас, бу тахминан 20 фоизни ташкил қилади ва бу қисмда Жазоир 8 фоиздан 9 фоизгача. Биз Жазоир гази вазиятни ўзгартира оладиган ҳолатда эмасмиз, — дейди Макрон.

Бироқ телеканал газ етказиб беришни 50 фоизга ошириш бўйича оғзаки келушувлар бўлганини ва тез орада музокаралар бошланишини таъкидлаб ўтган. 

Аввалроқ Францияда электр нархи биринчи марта 1 000 доллардан ошгани ҳақида хабар берилган эди.