Uzbekistan Airways aviakompaniyasi yo‘lovchilar yangi “Aviachiptani qayta rasmiylashtirish” xizmatini ishga tushirdi. Bu haqda kompaniya matbuot xizmati xabar bermoqda.
Yo‘lovchilar aviachiptani qayta rasmiylashtirish uchun qo‘shimcha xizmatlar bo‘limida aviachipta raqami va o‘zi familiyasini kiritishi kerak bo‘ladi.
Keyinchalik, muvaffaqiyatli avtorizatsiyadan so‘ng, “Aviachiptani qayta rasmiylashtirish” tugmasini bosish kerak.
Ochilgan oynada yo‘lovchini qiziqtirgan yangi jo‘nash sanasini tanlash, agar bir nechta reyslar bo‘lsa, jo‘nash vaqtini tanlash va “Qiymatni hisoblash” tugmasini bosish lozim.
Xizmatdan foydalanish chog‘ida tegishli jarimalar hisoblanadi. Keyin esa yangi tarifga qo‘shimcha to‘lov rasmiylashtirilib (agar aviachiptada ko‘rsatilgan tarif bo‘yicha joylar bo‘lmasa), aviachiptani qayta bronlash uchun to‘lov amalga oshirilishi kerak.
Yangi aviachipta yo‘lovchiga u ko‘rsatgan elektron manziliga yuboriladi.
“www.uzairways.com” saytida sotib olingan aviachiptalarni faqat aviakompaniyaning saytida yoki Uzbekistan Airways Sales filiali va uning agentlari orqali qayta rasmiylashtirish imkoni mavjud.
Avvalroq Uzbekistan Airways’ni xususiylashtirish jarayoni boshlangan edi.
Izoh (0)