Ukrainadagi nizoning yaqin olti oy ichida qay tarzda rivojlanishi bo‘yicha besh xil ehtimoliy ssenariy mavjud, bu haqda The Guardian nashri jurnalisti Den Sabbag ma’lum qildi, deb yozadi “Izvestiya”.
Uning so‘zlariga ko‘ra, birinchi ssenariy bo‘yicha nizo yana bir yilga cho‘ziladi, ammo hozirgidek intensiv bo‘lmaydi. Ikkinchi ssenariy yuz bergan taqdirda, Ukrainada samarali hujum uchun vositalar tugab qoladi.
Uchinchi ehtimoliy variantga muvofiq, Rossiya oldinga qarab yorib kiraveradi, ammo uning maqsadi allaqachon bosib olingan hududlarni ushlab turishdan iborat bo‘ladi.
“Salqinroq ob-havo yaqinlashgani sari, Rossiya, ehtimol, o‘zida bor narsalarni mustahkamlashga e’tiborini qaratadi”, — deya aniqlik kiritdi Sabbag.
Voqealar rivojining to‘rtinchi ssenariysi qish qochqinlar bilan bog‘liq yangi inqirozni tezlashtirishini ko‘zda tutadi.
“Gumanitar tashkilotning bir vakili qishda yangi migratsiya to‘lqini yuz berishini va 2 milliongacha odam Polsha bilan chegaradan o‘tishi mumkinligini prognoz qildi”, — dedi jurnalist.
Beshinchi ssenariyga muvofiq, G‘arb Ukrainadagi voqealarning keyingi rivoji bo‘yicha qaror qabul qilishi kerak bo‘ladi, ya’ni u Ukraina g‘olib bo‘lishini xohlaydimi yoki shunchaki qarshilik ko‘rsatib turishini istaydimi — hal qilishi kerak, chunki bugungi kun holatiga G‘arb mamlakatlari Kiyevning ehtiyojlarini qoplamayapti.
22-avgust kuni Rossiyaning BMT bo‘linmasidagi doimiy vakili G‘arb davlatlari tomonidan qurol-yarog‘ yetkazib berilishi natijasida Ukrainada nizoning cho‘zilib ketishi juda xavfli ekanini ma’lum qilgandi. Diplomat eslatishicha, G‘arb va Ukraina “so‘nggi ukrainalik qolgunicha jang qilish”ga tayyor.
Iyul oxirida The National Interest uchun tayyorlangan maqolada ekspertlar Stiven Saymon va Jonatan Stivenson Amerika hukumati Ukrainani nizoni tugatishga og‘dirishi kerak, degan fikrni bildirgandi. Xususan, AQSH va NATO Ukraina tomoniga G‘arb Kiyevdan vaziyatni diplomatiya yordamida hal qilishni kutayotgani, aks holda qurol-yarog‘ yetkazish va moliyaviy transhlar to‘xtatilishini aniq qilib tushintirishi kerakligi ta’kidlangandi.
Izoh (0)