Европа комиссияси томонидан назорат қилинадиган Европа қурғоқчилик обсерваторияси ҳисоботига кўра, 2022 йилда Европанинг учдан икки қисми қурғоқчиликдан азият чекди. Бу ҳақда Meduza нашри хабар бермоқда.
Европа ҳудудининг 47 фоизи тупроқ намлигининг танқислиги туфайли инқироз ҳолатида, яна 17 фоизи эса ўсимликлар ва экинлар зарар кўрадиган хавотирли аҳволда.
Муаллифларнинг тадқиқотларига кўра, Ғарбий Европа ва Ўрта Ер денгизида ноябргача одатдагидан иссиқроқ ва қуруқ об-ҳаво кузатилади.Йил бошидан буён Европанинг кўплаб ҳудудларини қамраб олган кучли қурғоқчилик август ойида кенгайишда ва кучайишда давом этмоқда, — дейилади ҳисоботда.
Шунингдек, маккажўхори, соя ва кунгабоқар ҳосилдорлиги аввалги беш йиллик ўртача кўрсаткичдан 16, 15 ва 12 фоиз паст бўлиши прогноз қилинмоқда.
Еврокомиссиянинг ҳисоботни шарҳлашича, ҳозирги қурғоқчилик камида охирги 500 йил ичидаги энг ёмони бўлиб қолмоқда.
Изоҳ (0)