Rossiyaning Volgograd viloyatida “ArMI—2022” Xalqaro armiya o‘yinlari doirasida o‘tkazilgan “Muhandis formulasi” musobaqasi yakuniga yetdi. Bu haqda Mudofaa vazirligi xabar qildi.
Qayd etilishicha, unda O‘zbekiston nomidan qatnashgan harbiy xizmatchilar umumjamoa hisobida ikkinchi o‘rinni qo‘lga kiritgan.
Musobaqaning “Kotlovan qazish” shartida O‘zbekiston jamoasi “Kotlovan qazish uchun eng yaxshi mashina ekipaji” nominatsiyasida yetakchi o‘rinni egallagan.
Mazkur musobaqada birinchilik uchun Rossiya, Belarus va Laos jamoalari ham kurash olib borgan. Armaniston esa alohida nominatsiyada qatnashgan.
Izoh (0)