Tadbirkorlik subyektlarining ko‘p sonli murojaatlarini inobatga olgan holda “Soliqchi-ko‘makchi” tamoyili asosida takroran 2022-yilning o‘tgan davri uchun shu yil 23-avgustga qadar my.soliq.uz orqali kassa cheklarini tahrirlashga ruxsat beriladi. Bu haqda Davlat soliq qo‘mitasi xabar qildi.
Qayd etilishicha, xarid summasining 1 foizi qaytarilgan (keshbek) cheklar bundan mustasno.
Qo‘mita, shuningdek, chek qanday tahrirlanishi bo‘yicha ham ko‘rsatma bergan. Buning uchun:
My.soliq.uz saytidagi soliq to‘lovchining shaxsiy kabinetida “YuSh onlayn-NKM va virtual kassa ma’lumotlari” sahifasidan “Tahrirlash” bo‘limi tanlanadi.
Tahrirlashda tuzatilgan (yangilangan) ma’lumotlar kiritilishi kerak:
- mahsulot nomi;
- miqdori;
- summasi;
- QQS;
- Mahsulotlar va xizmatlar identifikatsiya kodi (MXIK);
- o‘lchov birligi;
- komitent STIRi.
Eslatma: QQS hisoblashda tiyin nuqta orqali kiritiladi, chek summasi o‘zgarmagan taqdirda avtomat tarzda qabul qilinadi.
Mavzuga doir:
- O‘zbekistonda hisobotlardagi xatolarini tuzatgan soliq to‘lovchilarga 609 mlrd so‘mlik moliyaviy sanksiyalar qo‘llanilmadi
- Soliq tushumlari barqaror o‘smoqda: O‘zbekistonda so‘nggi besh yilda tadbirkorlar faoliyati baholandi
- “Tadbirkorlar kredit, subsidiya va soliq bo‘yicha ko‘p murojaat qilmoqda” – Investitsiya vaziri o‘rinbosari Aziz Voitov
Izoh (0)