Foto: DXX Kubogi final bosqichi bellashuvlariga qur’a tashlandi

Toshkent shahridagi “Bunyodkor” stadionining anjumanlar zalida 21-avgust, yakshanba futbol va mini-futbol bo‘yicha DXX Kubogi final bosqichi bellashuvlariga qur’a tashlash marosimi bo‘lib o‘tdi.

2022-yilning aprel-iyun oylarida ushbu kubok uchun shahar, tuman va viloyat bosqichlari o‘yinlari tashkil etildi. Musobaqaga respublika bo‘ylab 16—30 yosh oralig‘idagi yoshlar, shuningdek, barcha olis va chekka hududlardagi mahalla yoshlari jalb qilinib, 18 629 ta jamoa (futbol – 9 281 ta, mini futbol – 9 348 ta) ishtirok etdi, musobaqa jami 241 976 nafar yoshlarni qamrab olgan.

Tuman, shahar hamda viloyat bosqichlarida g‘oliblikni qo‘lga kiritgan eng kuchli 28 ta jamoa endilikda 22—26-avgust kunlari Toshkentdagi “Bunyodkor” futbol akademiyasiga qarashli stadionda kubok uchun o‘zaro bellashadi. Final o‘yinlari esa 27-avgust kuni poytaxtning “JAR” stadionida 18:30 da o‘tkazilishi belgilangan. Marosimda ushbu jamoalarni final bosqichi uchun ro‘yxatga olishda ular tarkibida professional futbolchilar yo‘qligi, 2021/2022-yilgi mavsumida PFL musobaqalarida ishtirok etmagani tekshirilgani ta’kidlandi. Futbol bo‘yicha har bir jamoaga 16, mini-futbol jamoalariga esa 10 nafardan futbolchi ro‘yxatga olingani bildirildi.

Respublika bosqichi o‘yinlari 2 bosqichda: guruh va pley-off tarzida tashkil etiladi. 14 jamoa mos ravishda 4 ta guruhga bo‘linadi. Bunda 2 ta guruhda 4 tadan, yana 2 ta guruhda 3 tadan jamoa o‘zaro bahs olib boradi. Guruh g‘oliblari pley-off bellashuvlarida ishtirok etadi, bitta o‘yindan iborat bahsning asosiy vaqtida g‘olib aniqlanmagan taqdirda penaltilar seriyasiga murojaat qilinadi.

Qur’a natijalariga ko‘ra, futbol bo‘yicha quyidagi jamoalar guruhlarda o‘zaro bahs olib boradigan bo‘ldi:

Qur’a natijalariga ko‘ra, mini-futbol bo‘yicha quyidagi jamoalar guruhlarda o‘zaro bahs olib boradigan bo‘ldi:

Ma’lumot uchun, DXX Kubogida birinchi o‘rinni egallagan jamoaga ular istiqomat qiladigan mahallada zamonaviy mini-futbol maydoni, ikkinchi o‘rin uchun universal sport maydoni hamda uchinchi va to‘rtinchi o‘rinlarni qo‘lga kiritgan jamoalarga esa ular yashaydigan mahallarda “stritbol” maydonlari qurib beriladi. Aytish kerakki, DXX kubogi musobaqasining viloyat bosqichi yakuni bo‘yicha 792 nafar iqtidorli yoshlar aniqlangan bo‘lib, hozirda ularni mahalliy futbol klublariga jalb qilish choralari ko‘rilayotgani ma’lum bo‘ldi.