Parij ma’muriy sudi Ispaniya La Ligasining moliyaviy feyr-pley qoidalarini buzgan deb hisoblab, “PSJ”ning Kilian Mbappe bilan shartnomasini bekor qilish to‘g‘risidagi da’vosini rad etdi, deya xabar beradi Get French Football News.
Iyul oyida tashkilot sudga murojaat qilib, Mbappening parijliklar bilan kelishuvini to‘xtatib qo‘yishni talab qilgan, ammo yakunda da’vo rad etilgan. Parij ma’muriy sudi futbolchining “PSJ” bilan shartnomasida “jiddiy va to‘g‘ridan to‘g‘ri zarar ko‘rganligi to‘g‘risida dalil yo‘q”, degan qarorga kelgan.
Eslatib o‘tamiz, may oyida Kilian Mbappe “PSJ” bilan shartnomasini 2025-yilga qadar uzaytirdi. Ortda qolgan mavsumda hujumchi barcha musobaqalarda 45 ta o‘yinda ishtirok etib, 38 ta gol va 26 ta golli uzatmaga mualliflik qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)