“Real” bosh murabbiyi Kazemironing ketayotganini tasdiqladi

“Real” bosh murabbiyi Karlo Anchelotti Kazemiro jamoani tark etayotganini tasdiqladi.

Avvalroq braziliyalik yarim himoyachi “Manchester Yunayted”ga o‘tishga yaqinligi xabar qilingandi.

Kazemiro bilan gaplashdim. U yangi chaqiriqni sinab ko‘rmoqchi. Uning xohishini hurmat qilishimiz lozim. Hozircha hech narsa rasmiy emas, ammo bu uning xohishi.

Hozirda muzokaralar davom etmoqda. Agar kelishuv amalga oshsa, uning o‘rnini egallaydigan nomzodimiz bor. Tchuameni, undan tashqari Kroos va Kamavinga bor.

Uni qolishga ko‘ndirmadim. Unga to‘liq ishonaman. Uning qarorini hurmat qilaman. Kazemiro bilan yoki usiz barcha sovrinlar uchun kurashishda davom etamiz.

Karlo Anchelotti, “Real” bosh murabbiyi