Қирғизистон собиқ президентлари Қурманбек Бакиев ва Алмазбек Атамбаевнинг ҳашаматли уйларида кеча-ю кундуз ишлайдиган болалар реабилитация марказлари очилади. Бу ҳақда мамлакатнинг Меҳнат, ижтимоий ҳимоя ва миграция вазирлигига таяниб, «24.кг» хабар берди.
Вазирликнинг қайд этишича, Қирғизистонда 200 мингга яқин ногиронлар истиқомат қилади, улардан 35 минг нафари 18 ёшгача бўлган болалардир.
«Мамлакатда барча ногиронларни реабилитация хизматлари билан тўлиқ таъминлашда қийинчиликлар мавжуд. Шу сабабли собиқ президентлар Қурманбек Бакиевнинг Жибек Жоли проспектидаги уйи ва Алмазбек Атамбаевнинг Қўй-Тош қишлоғидаги уйи биноларида кеча-ю кундуз ишлайдиган болалар реабилитация марказлари очилади», — дейилади вазирлик хабарида.
Аввал Алмазбек Атамбаевнинг Қўй-Тош қишлоғидаги уйи давлат тасарруфига ўтказилган эди.
Мавзуга доир: Қирғизистоннинг судланган собиқ раҳбари Атамбаев тарафдорлари унинг даволаниши учун Россияга қўйиб юборилишини сўрамоқда
Изоҳ (0)