Финляндия Ташқи ишлар вазирлиги раҳбари Пекка Ҳаавистонинг маълум қилишича, сентябрь ойидан мамлакат россияликлар учун туристик визалар беришни жорий кўрсаткичнинг ўндан бир қисмигача қисқартириш ниятида. Бу ҳақда Meduza нашри хабар бермоқда.
Биз оддий сайёҳлик визалари камроқ бериладиган моделни тайёрладик, бунда оилавий шароитга ҳамда ишлаётган ёки ўқиётганларга устунлик беради», — деди вазир.Финляндия ТИВ консуллик бўлими бошлиғи Юсси Таннернинг айтишича, россияликлардан ҳозирда кунига ўртача мингта виза аризаси келиб тушмоқда. Бироқ режага кўра 500 та ариза қабул қилинади, улардан фақат 100 таси туристик визалар учун ажратилади.
Бундан ташқари, Пекка Ҳаависто Финляндия Россия билан виза тартибини соддалаштириш бўйича келишувнинг тўхтатилишини қўллаб-қувватлашини таъкидлаган.
Шунингдек, ТИВ россияликлар учун махсус гуманитар визалар жорий этиш имкониятини кўриб чиқаётганини айтди.
Мавзуга доир: Финляндия парламенти веб-сайтига хакерлар томонидан бузиб кирилди
Изоҳ (0)