Turkiya delegatsiyasi Amerikaning F-16 qiruvchi samolyotlarini xarid qilish bo‘yicha muzokaralar o‘tkazish uchun AQSHga jo‘nab ketdi. Bu haqda Turkiya Mudofaa vazirligiga tayanib, “Interfaks” xabar bermoqda.
Turkiya Mudofaa vazirligining texnik delegatsiyasi AQSH taklifiga binoan F-16 samolyotlarini modernizatsiya qilish va sotib olish jarayonini tezkorlik bilan amalga oshirish maqsadida jo‘nab ketdi, — deyiladi Turkiya harbiy boshqarmasi xabarida.Joriy 2022 - yil boshida AQSH va Turkiya rasmiylari ushbu mavzu bo‘yicha qator maslahatlashuvlar o‘tkazgan.
2021-yilning kuzida Turkiya prezidenti Rajab Toyyib Erdo‘g‘on Vashington F-35 dasturiga ilgari sarmoya kiritish evaziga Turkiyaga F-16 qiruvchi samolyotlarini yetkazib berishni taklif qilganini, Anqara bir necha yil avval Rossiyaning S-400 larini sotib olganidan keyin bu dasturdan chiqarib tashlanganini aytgan edi.
Izoh (0)