Rossiya prezidenti Vladimir Putin Shimoliy Koreya yetakchisi Kim Chen Inga Ozodlik kuni (Koreya Mustaqilligi kuni) munosabati bilan tabrik telegrammasi yo‘lladi. U mamlakatlarning ikki tomonlama munosabatlarni rivojlantirishiga ishonch bildirdi. Kim Chen In ham o‘z navbatida, Vladimir Putinga telegramma yo‘llab, unga “mamlakat va xalq suvereniteti va manfaatlarini himoya qilish bo‘yicha mas’uliyatli faoliyatida” muvaffaqiyatlar tiladi. Bu haqda “Kommersant” nashri xabar bermoqda.
Telegrammalar matni Koreya Markaziy Telegraf agentligi tomonidan taqdim etildi.
Ishonchim komilki, biz birgalikdagi sa’y-harakatlarimiz bilan ikki tomonlama konstruktiv aloqalarning barchasini yanada rivojlantirishni ta’minlaymiz. Bu xalqlarimiz manfaatlariga to‘liq javob beradi. Bu Koreya yarim oroli va butun Shimoliy-Sharqiy Osiyo mintaqasida xafvsizlik va barqarorlikni mustahkamlashga hamohangdir”, — degan Vladimir Putin telegrammada.Rossiya prezidenti Rossiya va Shimoliy Koreya “Koreyani ozod qilish uchun yelkama-yelka kurashgan Qizil armiya askarlari va koreyalik vatanparvarlar xotirasini hurmat qilishini” ta’kidladi. Uning fikricha, o‘sha yillarda tashkil etilgan an’analar “yaxshi qo‘shnichilik munosabatlarini rivojlantirishning ishonchli asosi” bo‘lib xizmat qilmoqda.
Kim Chen Inning Vladimir Putinga yo‘llagan tabrigida, Rossiya prezidenti, Rossiya hukumati va xalqiga samimiy salom yo‘llagan. Shuningdek, u “Mard Qizil armiya askarlari Koreyani ozod qilish uchun kurashda o‘z qonini va jonini ayamagan”ligini ta’kidlagan.
Shimoliy Koreya rahbarining fikricha, ikki davlat o‘rtasidagi strategik va taktik hamkorlik, qo‘llab-quvvatlash va hamjihatlik, harbiy tahdid va provokatsiya, dushman kuchlarning o‘zboshimchalik va o‘z xohish-istaklarini buzish uchun umumiy frontda yangi bosqichga ko‘tarilmoqda.
Fursatdan foydalanib, sizga chin qalbimdan mustahkam sog‘lik, mamlakat va xalq suvereniteti va manfaatlarini himoya qilish, davlatimiz ravnaqi yo‘lidagi mas’uliyatli faoliyatingizda ulkan muvaffaqiyatlar tilayman”, — deyiladi TIV telegrammasida.Rossiyaning Ukrainada harbiy amaliyoti boshlanganidan so‘ng KXDR LXR bilan diplomatik aloqalar o‘rnatdi. Kiyev bunga javoban Shimoliy Koreya bilan munosabatlarni uzgan.
Hozirda Rossiya hukumati koreyalik muhojirlarni ishga joylashtirish variantini ko‘rib chiqmoqda. Shimoliy Koreya BMT Xafvsizlik Kengashining sanksiyalari ostida 2017-yildan boshlab Shimoliy Koreya fuqarolariga xorijda ishlashni ta’qiqlangan edi.
Mavzuga doir: Kim Chen In Shimoliy Koreya koronavirus ustidan g‘alaba qozonganini e’lon qildi
Izoh (0)