Ayrim OAV va ijtimoiy tarmoqlarda Qozog‘iston maktablarida 6–7 yil ichida rus tilida o‘qitiladigan sinflar tugatilishi haqida ma’lumotlar tarqalmoqda va ular haqiqatga to‘g‘ri kelmaydi. Bu haqda yolg‘on ma’lumotlarga qarshi kurashuvchi “Stopfake.kz” loyihasi ma’lum qildi.
“Qozog‘istonda rus maktablarining kelajagi yo‘qmi?” sarlavhali material bundan ikki yil avval “31-kanal”ning “Informbyuro” yangiliklar dasturi tomonidan efirga uzatilgan.Ta’lim rus tilida olib boriladigan sinflar bekor qilinishi haqida tarqalgan ma’lumotni Qozog‘iston Ta’lim vazirligi ham rad etgan. “Bu ma’lumotlar haqiqatga to‘g‘ri kelmaydi. Qozoq tilida olib boriladigan sinflarda ham, rus tilidagi sinflarda ham rus tili bir xil rejimda o‘rganilishda davom etadi, boshqa rejalar yo‘q”, — degan xalq ta’limi vaziri birinchi o‘rinbosari.Unda poytaxtdagi 90-sonli gimnaziya direktorining bildirgan fikri asos qilib olingan.
Xususan, o‘rta ta’lim sohasidagi tendensiyalar muhokama qilingan.
Gap, shuningdek, rusiyzabon maktablarda o‘quvchilar sonini kamaytirish haqida ketgan. Gimnaziya direktori o‘quvchilar kelajakda raqobatbardosh bo‘lishi kerakligi yuzasidan ota-onalarga murojaat qilgan. Rahbar ulardan davlat tilini faol o‘rganishlari uchun farzandlarini qozoq maktablariga berishni so‘ragan.
Materialda yana bir ekspert — Qozog‘iston ta’lim ekspertlari ligasi vitse-prezidentining fikri ham o‘rin olgan.
U rus maktablari ham, qozoq maktablari ham o‘quvchilar bilan to‘la ekani, muammo o‘qituvchilar yetishmasligi, bu holatni “Pedagoglar maqomi to‘g‘risida”gi qonun bilan bartaraf etish mumkinligi haqida gapirgan.
Ushbu material hozirda faol ravishda ommaga e’lon qilinmoqda, ammo mohiyati ataylab buzib ko‘rsatilmoqda”, — deya tushuntirish bergan “31-kanal vakillari”.
Eslatib o‘tamiz, Ukraina poytaxti Kiyev shahridagi maktablarda 2022–2023-o‘quv yilida fan dasturlaridan rus tili olib tashlanadi.
Izoh (0)