Namangan viloyatining Pop tumanida Qizil kitobga kiritilgan baliqlarni ovlagan shaxslar ushlandi. Bu haqda Davlat ekologiya qo‘mitasi matbuot xizmati xabar berdi.
Qayd etilishicha, viloyat Ekologiya boshqarmasi nazorat inspeksiyasi, Pop hamda To‘raqo‘rg‘on tumanlari Ekologiya bo‘limlari xodimlari hamkorligida tumanning “Qaznoq” MFY hududidan oqib o‘tuvchi Sirdaryo daryosi suv havzasida o‘tkazilgan ekologik reyd tadbirida taqiqlangan usullar bilan noqonuniy ravishda baliq ovlayotgan fuqarolar aniqlangan,
Tadbir jarayonida jami 124 dona har xil turdagi, ya’ni O‘zbekiston Qizil kitobiga kiritilgan 55 ta Turkiston mo‘ylovdori va boshqa turdagi baliqlar ashyoviy dalil sifatida olinib, tegishli tartibda bayonnoma rasmiylashtirilgan.
Fuqarolar o‘zlarining bu xatti-harakatlari bilan hayvonot dunyosidan foydalanish tartibini buzish natijasida jami 128 million 250 ming so‘m miqdorida zarar yetkazgani aniqlangan.
Holat bo‘yicha qonuniy baho berish uchun fuqarolarga nisbatan to‘plangan hujjatlar Pop tuman prokuraturasiga yuborilgan.
Mavzuga doir:
Izoh (0)