Samarqand shahrida ogohlantirishlarga qaramasdan anchadan buyon aliment to‘lovlarini to‘lamagan erkakka nisbatan 15 sutka qamoq jazosi tayinlandi.
Majburiy ijro byurosi Samarqand shahri bo‘limi ish yurituvida bo‘lgan fuqarolik ishlari bo‘yicha Samarqand shahri sudining 2015-yil 6-martdagi qarori bilan qarzdor R.P.dan undiruvchi X.A. foydasiga bir nafar farzandining moddiy ta’minoti uchun to‘rtdan bir qismi miqdorida aliment undirish to‘g‘risidagi ijro hujjati kelib tushgan.
Bu bo‘yicha qarzdor R.P. tegishli ogohlantirishlarga qaramasdan, anchadan buyon aliment to‘lovlarini to‘lamagani sababli 20 million 777 ming so‘m aliment qarzdorligi kelib chiqqan.
Olib borilgan ijro harakatlari natijasida qarzdorga nisbatdan Ma’muriy javobgarlik to‘g‘risidagi kodeksining 47-(4)-moddasiga asosan ma’muriy ish qo‘zg‘atilib, jinoyat ishlari bo‘yicha Samarqand shahri sudining qaroriga asosan 15 sutka qamoq jazosi tayinlandi.
Izoh (0)