Bugun, 10-avgustda Yevropa Ittifoqi (YI) orqali ko‘mir va boshqa qattiq qazilma yoqilg‘ilarni tashish va Rossiyadan YIga yetkazib berish to‘liq taqiqlanadi. Bu haqda “Interfaks” xabar bermoqda.
Shuningdek, Buyuk Britaniya 10-avgustdan boshlab Rossiyadan ko‘mir importiga taqiq joriy qilmoqda.
Rossiyaga qarshi sanksiyalarning beshinchi paketi doirasida YI mamlakatdan ko‘mir yetkazib berishga embargo joriy etdi.
YIning press-reliziga ko‘ra, Ittifoq mamlakatlariga ko‘mir importining yillik hajmi 8 mlrd yevroni tashkil etadi. Ulardan teng yarmi Rossiya tomonidan yetkazib berilgan.
Rossiyada joriy yilning olti oyi davomida ko‘mir qazib olish hajmi taxminan o‘tgan yilga teng, — degan Rossiya energetika vaziri Nikolay Shulginov.
YIning Rossiyadan ko‘mir importiga to‘liq embargosining kuchga kirishini hisobga olgan holda hisoblangan prognozga muvofiq, 2022-yilda Rossiyada ko‘mir qazib olish 17 foizga qisqarishi mumkin. Eksport 30 foizga qisqarib, 156 mln tonnagacha kamayishi mumkin.
Rossiya hukumati dengiz portlari orqali ko‘mir eksportini Osiyo-Tinch okeani mintaqasi mamlakatlariga yo‘naltirish imkoniyatini o‘rganib chiqmoqda.
2021-yilda Rossiyadan ko‘mir eksporti 223 mln tonnani, umumiy ishlab chiqarish 438,4 mln tonnani tashkil etgan. Shu bilan birga, Yevropaga ko‘mir eksporti 50,4 mln tonna bo‘lgan.
Avvalroq 2022-yilda dunyoning ko‘mirga bo‘lgan talabi 8 mlrd tonnaga yetishi haqida xabar berilgandi.
Izoh (0)