Rossiyaning G‘arb davlatlari bilan konstruktiv o‘zaro hamkorligi davri uzil-kesil yakunlandi, dedi Rossiya Tashqi ishlar vazirligi tashqi siyosatni rejalashtirish departamenti direktori Aleksey Drobinin “Xalqaro hayot” jurnali saytida chop etilgan maqolasida.
Rossiya Federatsiyasining Ukrainadagi maxsus harbiy operatsiyasi muddati va natijalaridan qat’i nazar, shuni aytish mumkinki, G‘arb bilan o‘ttiz yillik umumiy konstruktiv, lekin muammoli bo‘lmagan hamkorlik davri qaytarib bo‘lmas darajada tugadi, — deb yozgan Drobinin o‘z maqolasida.Uning so‘zlariga ko‘ra, mavjud vaziyat “qolgan qutgan illyuziyalardan butunlay xalos bo‘lish” hamda Rossiyani 1992-yildan keyin G‘arb davlatlari tomonidan vaqti-vaqti bilan takrorlanayotgan “do‘stona bosib olish” paradigmasi doirasidan chiqarishga imkon beradi.
Shimoliy Amerika va Yevropa davlatlari bilan munosabatlarda 24-fevralgacha bo‘lgan vaziyatga qaytib bo‘lmasligi aniq, — deya ta’kidlaydi diplomat.May oyi oxirida TIV rahbari Sergey Lavrov agar G‘arb munosabatlarni tiklash nuqtai nazaridan biri nima taklif qilsa, Rossiya bu unga kerak yoki yo‘qligini jiddiy o‘ylab ko‘rishini ta’kidlagandi. Rasmiy Moskva faqat o‘ziga hamda mustaqil siyosat olib borayotgan va ishonchliligini isbotlagan davlatlarga tayanadi, degan u.
5-mart kuni Rossiya hukumati G‘arb sanksiyalariga javoban “do‘st bo‘lmagan” davlatlar ro‘yxatini tasdiqladi. Ro‘yxatga Avstraliya, Albaniya, Andorra, Buyuk Britaniya, jumladan Jersi, Angliya, Britaniyaning Virjiniya orollari, Gibraltar, Yevropa Ittifoqiga a’zo davlatlar, Islandiya, Kanada, Lixtenshteyn, Mikroneziya, Monako, Yangi Zelandiya, Norvegiya, Koreya Respublikasi, San-Marino, Shimoliy Makedoniya, Singapur, AQSH, Tayvan, Ukraina, Chernogoriya, Shveysariya, Yaponiya kiritilgan.
Ro‘yxatda sanab o‘tilgan davlatlar va hududlar 24-fevralda Rossiya bosqini boshlanganidan keyin unga qarshi sanksiyalarni kiritgan. Rossiyaning ayrim banklari, amaldorlari, ishbilarmonlari va ularning oilalari, Davlat Dumasi deputatlari va vazirlari cheklovlar ostida qoldi.
Izoh (0)