Moskva viloyatining Istra tumanida “Ozon” ombori yonib ketdi. Hozircha 11 kishi jarohatlangani ma’lum, deb xabar bermoqda “RBK”ga Favqulodda vaziyatlar vazirligining viloyat boshqarmasi matbuot xizmati.
“Ikki kishi kasalxonaga yotqizildi, to‘qqiz nafari joyida tibbiy ko‘rikdan o‘tkazildi va kasalxonaga yotqizishga asos yo‘q deb topildi”, — deyiladi vazirlik xabarida. Yong‘in haqida xabar Favqulodda vaziyatlar vazirligiga kelib tushgandan so‘ng uni o‘chirish uchun vertolyotlar ishlatilgan.
“Ozon” kompaniyasining ma’lum qilishicha, barcha xodimlar ombordan evakuatsiya qilingan. O‘t o‘chiruvchilar voqea joyida bo‘lib turibdi, tez yordam xizmatlari navbatchilik qilmoqda.
So‘nggi ma’lumotlarga ko‘ra, ombordagi yong‘in maydoni 50 ming kvadrat metrni tashkil etgan.
Favqulodda vaziyatlar vazirligi rahbarining birinchi o‘rinbosari ombordagi yong‘inni o‘chirishni muvofiqlashtirish uchun voqea joyiga yetib kelgan. Hali bartaraf etilmagan yong‘indan ko‘rilgan zarar miqdori hozircha 10 milliard rublga baholanmoqda.
Izoh (0)