“Interfaks” nashrining xabar berishicha, rasmiy Pxenyan AQSH Vakillar palatasi spikeri Nensi Pelosining Tayvanga tashrifini keskin qoraladi va buni Vashingtonning boshqa davlat ichki ishlariga qo‘pol aralashuvi, deb atadi.
Hozirgi vaziyat shundan dalolat beradiki, aynan AQSHning ichki ishlarga qo‘pol aralashuvi va ularning qasddan olib borayotgan harbiy-siyosiy provokatsion fitnalari mintaqada tinchlik va xavfsizlikni buzishning asosiy manbai hisoblanadi”, — dedi Shimoliy Koreya tashqi ishlar Vazirligi vakili, davlat axborot agentligi tomonidan e’lon qilingan bayonotda.Tashqi ishlar vazirligi, “Tayvan Xitoyning ajralmas qismi, Tayvan masalasi esa Xitoyning ichki ishi” hamda tashqi kuchlarning mamlakat ichki ishlariga aralashuviga qarshi choralar ko‘rish “suveren davlatning tabiiy huquqi” ekanini ta’kidlagan.
“Biz Tayvan masalasiga tashqi kuchlarning aralashuvini qoralaymiz, Xitoy hukumatining davlat suvereniteti va hududiy yaxlitligini qat’iy himoya qilish tarafdori bo‘lgan adolatli pozitsiyasini to‘liq qo‘llab-quvvatlaymiz”, — deyiladi TIV xabarida.Shuningdek, AQSHning “Xitoy taraqqiyoti va kuchayishiga to‘sqinlik qilish”ga urinishlari baribir muvaffaqiyatsizlikka uchraydi, deya xulosa qildi vazirlik.
Izoh (0)