Россиянинг Ғарб давлатлари билан конструктив ўзаро ҳамкорлиги даври узил-кесил якунланди, деди Россия Ташқи ишлар вазирлиги ташқи сиёсатни режалаштириш департаменти директори Алексей Дробинин «Халқаро ҳаёт» журнали сайтида чоп этилган мақоласида.
Россия Федерациясининг Украинадаги махсус ҳарбий операцияси муддати ва натижаларидан қатъи назар, шуни айтиш мумкинки, Ғарб билан ўттиз йиллик умумий конструктив, лекин муаммоли бўлмаган ҳамкорлик даври қайтариб бўлмас даражада тугади, — деб ёзган Дробинин ўз мақоласида.Унинг сўзларига кўра, мавжуд вазият «қолган қутган иллюзиялардан бутунлай халос бўлиш» ҳамда Россияни 1992 йилдан кейин Ғарб давлатлари томонидан вақти-вақти билан такрорланаётган «дўстона босиб олиш» парадигмаси доирасидан чиқаришга имкон беради.
Шимолий Америка ва Европа давлатлари билан муносабатларда 24 февралгача бўлган вазиятга қайтиб бўлмаслиги аниқ, — дея таъкидлайди дипломат.Май ойи охирида ТИВ раҳбари Сергей Лавров агар Ғарб муносабатларни тиклаш нуқтаи назаридан бири нима таклиф қилса, Россия бу унга керак ёки йўқлигини жиддий ўйлаб кўришини таъкидлаганди. Расмий Москва фақат ўзига ҳамда мустақил сиёсат олиб бораётган ва ишончлилигини исботлаган давлатларга таянади, деган у.
5 март куни Россия ҳукумати Ғарб санкцияларига жавобан «дўст бўлмаган» давлатлар рўйхатини тасдиқлади. Рўйхатга Австралия, Албания, Андорра, Буюк Британия, жумладан Жерси, Англия, Британиянинг Виржиния ороллари, Гибралтар, Европа Иттифоқига аъзо давлатлар, Исландия, Канада, Лихтенштейн, Микронезия, Монако, Янги Зеландия, Норвегия, Корея Республикаси, Сан-Марино, Шимолий Македония, Сингапур, АҚШ, Тайван, Украина, Черногория, Швейцария, Япония киритилган.
Рўйхатда санаб ўтилган давлатлар ва ҳудудлар 24 февралда Россия босқини бошланганидан кейин унга қарши санкцияларни киритган. Россиянинг айрим банклари, амалдорлари, ишбилармонлари ва уларнинг оилалари, Давлат Думаси депутатлари ва вазирлари чекловлар остида қолди.
Изоҳ (0)