Istanbul don kelishuvi Rossiya va Ukrainadan oziq-ovqat hamda o‘g‘it bozorlariga kirishni ta’minlashga yordam beradi. Bu haqda juma kuni BMT Xavfsizlik kengashi yig‘ilishida Jahon siyosiy masalalar bo‘yicha bosh kotibi o‘rinbosari Rozmari Di Karlo ma’lum qildi.
Mazkur kelishuv o‘z navbatida oziq-ovqat mahsulotlarining jahon narxlarining pasayishiga olib keladi.
Ushbu gumanitar kelishuv Rossiya hamda BMT kotibiyati o‘rtasida Rossiya oziq-ovqat va o‘g‘itlarining jahon bozorlariga chiqishini osonlashtirish bo‘yicha anglashuv memorandumi hisoblanadi, — deydi u.
Shu bilan birgalikda bitim oziq-ovqat taqchilligini yengish va mahsulotlarning yuqori narxlarini pasaytirishga yordam beradi.
Avvalroq Rossiyaning Ukrainaga raketa zarbasidan so‘ng jahon bozorida bug‘doy narxi yana ko‘tarilgani haqida xabar berilgandi.
Raketa tushgan Odessa dengiz portida to‘qqizta kema bor edi, ulardan to‘rttasiga 45,6 million dollarlik makkajo‘xori ortilgan. Don kemalari Malta, Liberiya, Serra-Leone va Panama bayroqlari ostida bo‘lgan.
Ukraina tomonidan imzolangan hujjat nusxasiga ko‘ra, kelishuv tomonlari tashabbusda ishtirok etgan savdo kemalari yoki port infratuzilmasiga hujum qilmaslik majburiyatini olgan.
Izoh (0)