2021-yilda Germaniyaning davlat qarzi 2,32 trillion yevroni tashkil qilib, tarixiy eng yuqori darajaga yetdi. Bu haqda 28-iyul kuni Germaniya Federal statistika boshqarmasi ma’lumotlariga tayanib “TASS” xabar bermoqda.
2021-yilda davlat qarzi 2020-yil yakunlariga nisbatan 6,8 foizga (yoki 148,3 milliard yevroga) o‘sib, statistika tarixidagi eng yuqori darajaga yetdi, — deyiladi sharhda.
Agentlik o‘sishni koronavirus pandemiyasiga qarshi kurashish choralari bilan izohladi.
Avvalroq Germaniya 30 yil ichida birinchi marta eksportdan ko‘ra ko‘proq import qilgan edi.
May oyida mamlakat eksporti 125,8 mlrd yevroni tashkil qilgan bo‘lsa, import esa 126,7 mlrd yevroga yetdi. Bu Germaniyada 1991-yildan beri birinchi marta yuz berdi.
Izoh (0)