AQSH yaqin haftalarda bahorgi bug‘doy hosilini yetkazib berishga tayyor. Bu Ukrainadagi notinchlik tufayli yuzaga kelgan global ocharchilikni bartaraf etishga yordam beradi. Bu haqda Bloomberg xabar bermoqda.
Hisob-kitoblarga ko‘ra, AQSHning eng ko‘p hosil beruvchi shtati bo‘lgan Shimoliy Dakotada g‘allaning akriga 49,1 busheldan rekord darajada yuqori hosil olinishi kutilmoqda.
Ukrainadagi urush global bug‘doy eksportining to‘rtdan bir qismini xavf ostiga qo‘yishda davom etayotgani sababli, dunyo don siloslarini to‘ldirishda yordam berish uchun Amerika fermer xo‘jaliklari eksportiga ishonmoqda.
Bahorgi bug‘doy fyucherslari may oyida erishilgan so‘nggi o‘n yillikdagi eng yuqori ko‘rsatkichdan 33 foizga pasaydi.
Ammo bug‘doy hali ham yig‘ib olinmagani sabab narxlarning yana ko‘tarilishiga olib kelishi va oziq-ovqat inflyatsiyasi bosimini jonlantirishi mumkin.
Avvalroq Turkiya Ukraina don eksporti bir hafta ichida boshlanishini e’lon qilgan edi.
Izoh (0)