Iyul oyida yevrohududda inflyatsiya o‘tgan yilning shu davriga nisbatan rekord darajadagi 8,9 foizga yetdi. Bu haqda juma kuni Yevropa statistika agentligi Eurostat ma’lum qildi.
Agentlik ma’lumotlariga ko‘ra, oylik ko‘rsatkichlarda indeks iyun oyida 0,8 foizga o‘sganidan keyin 0,1 foizga oshdi.
Eurostat yuqori inflyatsiyaning asosiy sababini energiya narxining oshishi bilan izohlagan. Energiya narxlari o‘tgan oyda 42 foizga ko‘tarilganidan keyin yillik ko‘rsatkichda 39,7 foizni tashkil etdi.
Oziq-ovqat, alkogol va tamaki mahsulotlari may oyidagi 8,9 foizga nisbatan iyun oyida 9,8 foizga, sanoat mahsulotlari 4,3 foizdan 4,5 foizga oshdi. Xizmatlar narxining o‘sishi iyun oyida 3,4 foizdan 3,7 foizgacha tezlashdi.
Eurostat aniqlik kiritishicha, iyun oyida eng yuqori inflyatsiya Estoniyada kuzatilgan — 22 foiz. Keyingi o‘rinlarda Litva — 20,5 va Latviya — 19,2 foiz.
Eng past ko‘rsatkichlar Malta va Fransiyada qayd etilgan – mos ravishda 6,1 va 6,5 foiz.
Bir yil avval yevrohududda inflyatsiya yiliga atigi 2,2 foizni tashkil etgan edi. Ammo noyabr oyidan buyon indikator har oy rekordlarni yangilab kelmoqda.
Izoh (0)