Londonning bir qator dushmanlik harakatlari tufayli Belarus Buyuk Britaniyadagi elchisini chaqirib oldi. Britaniya hukumatida “mas’uliyatli siyosatchilar” paydo bo‘lishi bilan respublikaning to‘laqonli diplomatik ishtiroki tiklanadi, deya ma’lum qilgan Belarus tashqi ishlar vazirligi matbuot kotibi Anatoliy Glaz.
Bu qaror Belarusga qarshi sanksiyalar joriy etilishi munosabati bilan qabul qilingan. Glaz mamlakat iqtisodiyoti va moliya tizimiga nisbatan cheklov choralari, “Belavia” aviakompaniyasining parvozlari taqiqlangani va Belarus parlameni a’zolariga YXHT Parlament Assambleyasida ishtirok etish uchun viza berishdan bosh tortilganini eslatdi.
Shu bilan birga, u elchining chaqirib olinishi ikki davlat o‘rtasidagi diplomatik aloqalarning to‘xtatilishini anglatmasligini, biroq respublikaning to‘laqonli diplomatik ishtiroki faqatgina Britaniya vazirlar mahkamasida “mas’uliyatli siyosatchilar” paydo bo‘lishi bilan tiklanishini ta’kidladi.
12-iyul kuni Belarus prezidenti Aleksandr Lukashenko respublikaga qarshi keng ko‘lamli gibrid urushi boshlanganini ma’lum qilgandi. “Ushbu urush Shimoliy Atlantika alyansining kibermakonda psixologik operatsiyalar va qo‘poruvchilik harakatlariga ixtisoslashgan milliy va koalitsiya tuzilmalarini o‘z ichiga oladi”, — dedi Lukashenko.
Izoh (0)