Fransiyaning Parij shahridagi mahobatli Notr-Dam sobori 2024-yilda omma uchun qayta ochiladi. Bu haqda Fransiya madaniyat vaziri Rima Abdul Malakga tayanib, Reuters xabar berdi.
Madaniyat vazirining aytishicha, qayta tiklash loyihasining tozalash bosqichi yakunlangan, bu esa ta’mirlash ishlarini yoz oxirida boshlash imkonini berdi.
“Ishonchimiz komilki, 2024-yilda bu ishlarning salmoqli qismi yakunlanadi, sobor dindorlar va jamoatchilikka qayta ochladi”, — dedi Abdul Malak obyektga tashrifi chog‘ida.
Eslatib o‘tamiz, 2019-yilda kuchli yong‘in oqibatida Notr-Dam soborining tomi yonib ketgan edi, uning tepa qismi qulab tushgan. Hozirda minglab odamlarning ko‘z o‘ngida yuz bergan, ko‘pchilik yonayotgan bino yonida ibodat qilgan. Qutqaruvchilar yong‘in bilan to‘qqiz soatdan ortiq kurashgan.
Yong‘indan ko‘p o‘tmay, prezident Emmanuel Makron XII asrga oid sobor qayta tiklanishini e’lon qildi va uni 2024-yilgacha tashrif buyuruvchilar uchun qayta ochishga va’da berdi.
Sobor o‘zining asl holatiga qaytariladi, jumladan, unga 1800-yillar o‘rtalarida me’mor Ejen Violle-le-Dyuk tomonidan ishlab chiqilgan 96 metrli shpil (gumbazning uchi) o‘rnatiladi, shpil uchun yangi yog‘och tanlangan.
Mavzuga doir: Parijdagi Notr-Dam ibodatxonasining vayronkor yong‘indan ikki yil o‘tgandan keyingi holati — suratlarda
Izoh (0)