Buyuk Britaniyaning ba’zi qismlarida dengiz sathi so‘nggi 30 yil ichida o‘tgan asr boshiga nisbatan kamida ikki karra ko‘tarilgan, deb yozadi Anadolu Agency.
“Iqlim holati” an’anaviy hisobotida ma’lum qilinishicha, mamlakatning ayrim hududlarida dengiz sathi so‘nggi 30 yil ichida 1900-yillar boshidagiga nisbatan kamida ikki marta tezroq ko‘tarilgan.
Hisobotda qayd etilishicha, 1900-yillar boshida dengiz sathining oshish sur’atlari yiliga 1,5 millimetrni tashkil qilgan, 1990-yillardan boshlab ushbu raqam yiliga 3—5,2 millimetrga teng bo‘lgan. Shu tariqa, so‘nggi 30 yil ichida dengiz sathi 16,5 santimetrga ko‘tarilgan.
Hisobotni tayyorlagan mutaxassislardan biri Svetlana Yevreyeva so‘zlariga ko‘ra, dengiz sathining oshishiga Grenlandiya va Antarktidadagi muzliklar erishi sabab bo‘lganini ko‘rsatuvchi dalillar bor.
Hisobotda aytilishicha, Buyuk Britaniyadagi isish darajasi dunyo bo‘yicha o‘rtacha isish sur’atlaridan ancha balandroqdir.
Mamlakatdagi so‘nggi 20—30 yil o‘tgan asrga nisbatan issiqroq, yomg‘irliroq va quyoshliroq bo‘lgan.
Izoh (0)