AQSH senatorlari mudofaa xarajatlari uchun 850 milliard dollar ajratishni taklif qilmoqda. Bu haqda The Hill nashri xabar berdi.
“AQSH Senatining mablag‘lar bo‘yicha qo‘mitasi 28-iyul kuni e’lon qilingan qariyb 1,7 trillion dollarlik xarajatlar paketi doirasida 2023-moliya yili uchun 850 milliard dollarlik milliy mudofaa xarajatlarini taklif qilmoqda”, — deyiladi xabarda.
Qayd etilishicha, mablag‘larning asosiy qismi mudofaa xarajatlariga ruxsat berish to‘g‘risidagi qonun loyihasini qabul qilishdan kelib chiqishi mumkin, ushbu qonun AQSH Mudofaa vazirligi ehtiyojlari uchun 792,1 milliard dollar ajratishni nazarda tutadi.
“Bu 2022-moliya yili uchun tasdiqlangan mablag‘dan 63,6 milliard dollarga ko‘p”, — deb ta’kidladi nashr.
Bundan tashqari, umumiy qiymati 317 milliard dollar bo‘lgan yana bir budjet loyihasi qabul qilinishi munosabati bilan harbiy obyektlarni qurish loyihalariga qo‘shimcha ravishda qariyb 16,6 milliard dollar ajratilishi mumkin.
Izoh (0)