АҚШ сенаторлари мудофаа харажатлари учун 850 миллиард доллар ажратишни таклиф қилмоқда. Бу ҳақда The Hill нашри хабар берди.
«АҚШ Сенатининг маблағлар бўйича қўмитаси 28 июль куни эълон қилинган қарийб 1,7 триллион долларлик харажатлар пакети доирасида 2023-молия йили учун 850 миллиард долларлик миллий мудофаа харажатларини таклиф қилмоқда», — дейилади хабарда.
Қайд этилишича, маблағларнинг асосий қисми мудофаа харажатларига рухсат бериш тўғрисидаги қонун лойиҳасини қабул қилишдан келиб чиқиши мумкин, ушбу қонун АҚШ Мудофаа вазирлиги эҳтиёжлари учун 792,1 миллиард доллар ажратишни назарда тутади.
«Бу 2022-молия йили учун тасдиқланган маблағдан 63,6 миллиард долларга кўп», — деб таъкидлади нашр.
Бундан ташқари, умумий қиймати 317 миллиард доллар бўлган яна бир бюджет лойиҳаси қабул қилиниши муносабати билан ҳарбий объектларни қуриш лойиҳаларига қўшимча равишда қарийб 16,6 миллиард доллар ажратилиши мумкин.
Изоҳ (0)