Moskva janubidagi Olmaota ko‘chasida joylashgan yotoqxonada yong‘in yuz berdi, dastlabki ma’lumotlarga ko‘ra, sakkiz kishi halok bo‘ldi, deb yozadi “RBK” Favqulodda vaziyatlar vazirligiga tayanib.
“Afsuski, sakkiz kishi tiriklik alomatlarisiz topildi, yana uch kishi shifokorlar tomonidan ko‘zdan kechirilmoqda. 00:47 da (Toshkent vaqti bilan 2:47 da) yong‘in bartaraf etildi”, — deyiladi xabarda.
Alanga birinchi qavatda boshlangan, u yerda xonalar ijaraga berilgan. Qurbonlarning barchasi ushbu xostelda yashovchilar bo‘lgan.
Yong‘inga elektr tarmog‘ining avariyaviy rejimda ishlagani sabab bo‘lgan bo‘lishi mumkin, deya ma’lum qildi “TASS”ning anonim manbasi.
Nashrning shoshilinch xizmatlardagi manbasiga ko‘ra, halok bo‘lganlarning barchasi muhojirlar bo‘lgan, ayni paytda ularning fuqaroligi aniqlanmoqda. Bir kishi qutqarilgan, 200 kishi evakuatsiya qilingan.
Izoh (0)