Rossiya Xalqaro kosmik stansiyada (XKS) 2028-yilgacha, ya’ni orbitadagi o‘z stansiyasi tayyor bo‘lgunga qadar qolishni rejalashtirgan. Bu haqda AQSH kosmik agentligidagi ishonchli manbaga tayanib, Reuters xabar bermoqda.
NASA rasmiylarining qo‘shimcha qilishicha, ularning “Roskosmos” bilan munosabatlari “odatdagidek” bo‘lib qolmoqda. Ma’lumot uchun, AQSH va Rossiya koinot sohasida yigirma yildan ortiq hamkorlik qilib keladi.
26-iyul kuni “Roskosmos”ning yangi rahbari Yuriy Borisov Vladimir Putin bilan suhbatda Rossiya XKSni 2024-yildan keyin tark etishni rejalashtirayotgani haqidagi ma’lumotlarni tasdiqladi. Uning aniqlik kiritishicha, bu vaqtga kelib Rossiya milliy orbital stansiyasini tayyor holga keltiradi.
Shuningdek, 26-iyul kuni “Roskosmos” veb-saytida RKK (Rossiya Qizil Xoch jamiyati) va “Energiya” bosh dizayneri Vladimir Solovyov bilan o‘tkazilgan intervyu e’lon qilindi, unda Solovyov “Agar milliy orbital xizmat ko‘rsatish stansiyasi qurilishi to‘g‘risidagi qaror 2022-yil oxirigacha qabul qilinsa, qurilishning birinchi bosqichi 2028-yilda boshlanadi”, – dedi.
Izoh (0)