Joriy yilning may oyigacha bo‘lgan 12 oy ichida Buyuk Britaniyadagi 1 406 ta restoran bankrotlik tufayli yopildi. Ko‘rsatkich o‘tgan yilning shu davriga nisbatan 64 foizga ko‘p. Bu haqda Guardian xabar bermoqda.
Ushbu holatning sabablarini mutaxassislar xodimlarning yetishmasligi, shuningdek, yashash narxining keskin oshishi deb baholadi.
Restoran sektoriga bosim kundan-kunga kuchayib bormoqda. Hukumat ko‘magi tufayli pandemiyadan zo‘rg‘a o‘tib ketgan restoranlar endi inflyatsiyaning o‘sishi, Brexit’dan keyingi ishchi kuchi yetishmasligi kabi yangi muammolarga duch kelmoqda, — dedi UHY Hacker Young hamkori Piter Kubrik.
Restoran va pablarda malakali ishchilar yetishmayapti, chunki Brexit’dan keyingi cheklovlar boshqa mamlakatlardan xodimlar yollashni qiyinlashtiradi.
Kadrlar yetishmasligiga pandemiya ham katta ta’sir o‘tkazgan, chunki o‘sha davrda sezilarli qisqartirishlar bo‘lgan.
UHY Hacker Youngning hisob-kitoblariga ko‘ra, 2022-yilning birinchi yarmida eng yaxshi 100 ta restoranning yo‘qotishlari 800 million funt sterlingga yetgan.
Izoh (0)