Yaponiyada gilosning Aomori Heartbeat navi 600 ming iyenaga sotildi. Bu 4 ming dollardan ziyodroq narx deganidir. Mazkur auksion haqida The Asahi Shimbun nashri havolasiga asoslanib, “Focus.ua” xabar bermoqda.
Yaponiyada bo‘lib o‘tgan auksionda 15 dona gilosdan iborat quti uchun 600 ming iyenaga (taxminan 4 ming dollarga) sotildi. Shunday qilib, bir dona gilos xaridorga deyarli 300 dollarga (40 ming iyenga) tushdi.
Aomori prefekturasi fermerlari bundan uch yil avval o‘zlari bozorga chiqargan Aomori Heartbeat navini faol sotishni boshlagan edi.
Joriy yilning birinchi auksionida bir dona gilos uchun narx rekord darajaga yetdi, bu o‘tgan yilgi narxlardan 25 foizga yuqoridir. Jami 11 quti gilos sotilgan.
Yangi nav yirik mevalari (diametri 2—2,5 santimetrgacha), yorqin qizil ranggi, shirin-nordon ta’mi bilan ajralib turadi.
Kimoshdi savdosida Juno Heart navli giloslar ham sotildi. “Yunon yuragi” to‘ldirilgan qutilarni xaridorlar biroz arzonroqqa sotib olishdi: har bir quti 150 ming iyenadan (taxminan 1000 dollar) 15 ming iyenagacha (110 dollargacha) xarid qilindi.
Yaponiyada boy ta’mga ega, tashqi ko‘rinishi chiroyli mevalar juda ham qadrlanadi. Bu biznes-hamkorlar uchun ajoyib sovg‘adir.
Shu bois, ularning narxi misli ko‘rilmagan darajada baland bo‘lishi mumkin. Bunday mevalarni, odatda, yog‘och qutilarga qadoqlashadi va ular uchun elegant logotip qo‘llanadi.
Izoh (0)