Shavkat Mirziyoyev 24-iyul kuni Rossiya prezidenti Vladimir Putin bilan telefon orqali muloqot qildi. Bu haqda Prezident matbuot xizmati xabar berdi.
Qayd etilishicha, suhbat avvalida Rossiya yetakchisi O‘zbekiston rahbarini tavallud kuni bilan tabriklagan.
Shuningdek, Vladimir Putin kuni kecha Shavkat Mirziyoyevni do‘stlik va ikki tomonlama hamkorlikni mustahkalmashdagi katta xizmatlari uchun Aleksandr Nevskiy ordeni bilan mukofotlash to‘g‘risida farmon imzolangani haqida xabar bergan. O‘zbekiston rahbari Rossiya yetakchisiga O‘zbekiston—Rossiya strategik sheriklik va ittifoqchilik munosabatlarining bugungi darajasig yuksak baho bergani va ularni yanada mustahkamlash masalalarini har tomonlama qo‘llab-quvvatlagani uchun minnatdorlik bildirgan.
Ikki davlat yetakchilari 2022-yilning sentabr oyida Samarqand shahrida o‘tkaziladigan Shanxay hamkorlik tashkiloti Davlat rahbarlari kengashining navbatdagi yig‘ilishiga tayyorgarlik masalalari yuzasidan fikr almashgan.
Bundan tashqari, shu kuni Shavkat Mirziyoyev Belarus prezidenti Aleksandr Lukashenko bilan ham telefon orqali muloqot qilgan. Belarus yetakchisi ham O‘zbekiston rahbarini tavallud kuni bilan tabriklab, O‘zbekiston xalqiga farovonlik va ravnaq tilagan.
Suhbat davomida prezidentlar keyingi yillarda ko‘p qirrali O‘zbekiston—Belarus muosabatlari jadal rivojlanib, aniq mazmun bilan boyib borayotganini mamnuniyat bilan qayd etgan.
Izoh (0)